{"id":5486,"date":"2024-02-21T15:21:25","date_gmt":"2024-02-21T14:21:25","guid":{"rendered":"https:\/\/jahresberichte.phgr.ch\/2023\/?page_id=5486"},"modified":"2024-04-03T13:35:46","modified_gmt":"2024-04-03T11:35:46","slug":"onn-da-gestiun-2023","status":"publish","type":"page","link":"https:\/\/jahresberichte.phgr.ch\/2023\/rm\/onn-da-gestiun-2023\/","title":{"rendered":"Onn da gestiun 2023"},"content":{"rendered":"\t\t
\n\t\t\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t

Onn da gestiun 2023<\/h3>\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t

PREFAZIUN<\/h2>\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t

Il president dal cussegl da la scola auta dr. Hans Peter M\u00e4rchy ed il rectur prof. dr. Gian-Paolo Curcio guardan enavos sin l\u2019onn da gestiun pass\u00e0 e guardan sin il svilup futur. <\/h3>\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t
\n\t\t\t
<\/div>\n\t\t<\/div>\n\t\t\t\t\t\t<\/div>\n\t\t\t\t<\/div>\n\t\t\t\t\t<\/div>\n\t\t<\/div>\n\t\t\t\t\t<\/div>\n\t\t<\/section>\n\t\t\t\t
\n\t\t\t\t\t\t
\n\t\t\t\t\t
\n\t\t\t
\n\t\t\t\t\t\t
\n\t\t\t\t
\n\t\t\t\t\t\t\t\t\t

Da differents puntgs da vista guardan il president dal cussegl da la Scola auta da pedagogia dal Grischun dr. Hans Peter M\u00e4rchy ed il rectur prof. dr. Gian-Paolo Curcio sin in onn da giubileum 2023 plain eveniments, sfidas e success. A medem temp \u00e8 la SAP dal Grischun confruntada ils proxims onns cun sfidas multifaras, per las qualas l’instituziun per la furmaziun da scolastas e scolasts en il chantun Grischun vegn a sviluppar soluziuns adequatas ed innovativas \u2013 e quai cun resguardar sias gruppas da pretensiun.<\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t

20 onns SAP dal Grischun \u2013 in sguard enavos <\/h3>\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

20 onns scolas autas da pedagogia en Svizra signifitgescha da sviluppar ed etablir in nov tip da scola auta en la cuntrada da furmaziun. La refurma da la terziarisaziun da la furmaziun da scolastas e scolasts, preparada durant ils onns 1990 e realisada suenter la midada dal millenni e la fundaziun da las scolas autas da pedagogia en Svizra \u00e8n il cumenzament d’ina istorgia da success. Quai che vala per la Svizra en general, vala medemamain per il chantun Grischun.<\/p>

Ils 20 d’october 2003 ha la SAP dal Grischun cumenz\u00e0 il manaschi da studi cun totalmain 59 studentas e students. Igl \u00e8 st\u00e0 in eveniment impurtant. Perquai \u00e8 el era vegn\u00ec tschern\u00ec sco tema central dal rapport annual 2023. Dapli infurmaziuns chattais Vus qua<\/a>.<\/span><\/p>

Terms impurtants en vista a la terziarisaziun externa e formala \u00e8n spezialmain la fundaziun da la SAP dal Grischun sco tala, la modularisaziun dals studis da bachelor e da master, l’emprima renconuschientscha e l\u2019ulteriura reconuschientscha dals diploms tras la conferenza da las directuras e dals directurs chantunals da l’educaziun publica (CDEP), la midada en in institut autonom da dretg public, l’avertura da l’edifizi d’engrondiment cun ils auditoris e cun la biblioteca, l’accreditaziun instituziunala sco scola auta sco era la creaziun da l’emprima professura. Scolas autas na sa cumponan per\u00f2 betg be da betun, palpiri e structuras, mabain d’ina cultura specifica. Per consequenza gieva quai durant ils ultims 20 onns surtut era per stabilir ina cultura universitara per l’unica scola auta trilingua da la Svizra. Quest process po vegnir tax\u00e0 sco terziarisaziun interna. A la SAP dal Grischun sa mussa questa terziarisaziun interna en spezial a maun dal svilup tematic e da l’extensiun dals studis da bachelor e da master, dal transfer d’enconuschientschas tranter la perscrutaziun e l’instrucziun sco era tranter l’instrucziun e la pratica. Ella sa mussa plinavant cun la participaziun activa al discurs scientific naziunal e per part er internaziunal sco era cun ina promoziun sistematica da la generaziun giuvna che s’orientescha als basegns da la scola auta. Cuntrari a la terziarisaziun externa, n\u2019\u00e8 la terziarisaziun interna dentant anc terminada. Quai \u00e8 d\u2019attribuir als svilups anc pendents da las structuras organisatoricas ed operativas, als accents necessaris dal cuntegn da la strategia sco er a l’autonomia da la scola auta che sto anc vegnir extendida.<\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t

La SAP dal Grischun l\u2019onn 2023<\/h3>\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

Oz \u00e8 la SAP dal Grischun accreditada instituziunalmain, porscha studis da bachelor per persunas d’instrucziun da la scolina e da la scola primara sco era studis da master per persunas d’instrucziun dal stgalim secundar I e per scolas da maturitad. Sias scolaziuns \u00e8n renconuschidas, sias purschidas da furmaziun supplementara resguardan ils basegns multifars en las scolas, ses resultats da perscrutaziun chattan attenziun naziunala ed internaziunala. La SAP dal Grischun nizzegia la midada digitala e sa sviluppa cuntinuadamain vinavant sco scola auta moderna. Oz scolescha la SAP dal Grischun a Cuira 516 studentas e students \u2013 e quai en tudestg, rumantsch e talian. En questa cifra n’\u00e8n betg inclus las studentas ed ils students dals studis da cooperaziun cun la SAP da Son Gagl (14) e cun la scola auta da pedagogia curativa (24) a Cuira. Avant ventg onns n\u2019avess nagin pens\u00e0 ad in tal svilup. Co pon ins declerar quest creschament?<\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t

Professiun attractiva ed ina purschida interessanta a la SAP dal Grischun<\/h3>\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

Nus vivain oz en in mund ch\u2019\u00e8 marc\u00e0 da midadas permanentas. Megatrends sco la globalisaziun, l\u2019urbanisaziun, la midada dal clima u la digitalisaziun \u00e8n ina gronda sfida per l’entira societad. Ils svilups socials, politics ed economics actuals vegnan percepids pli e pli sco volatils, malsegirs, cumplexs ed ambigs. En quest uschenumn\u00e0 mund da VUCA (volatility, uncertainty, complexity, ambiguity) vulan umans giuvens surpigliar dapli responsabladad, els tschertgan in senn en lur far ed els vulan contribuir cun lur agir a favur da la societad actuala e futura. La professiun da persuna d’instrucziun als porscha questa pussaivladad. Las persunas d’instrucziun caracteriseschan cun lur lavur la societad da damaun, perquai ch’instruir \u00e8 dapli che mo intermediar savida. Las persunas d’instrucziun insceneschan pussaivladads d’emprender, en las qualas vegn promov\u00ec il svilup da las cumpetenzas dal rom e transversalas, vegnan intermediadas normas e valurs ed uschia sustegnida la furmaziun da la persunalitad dals giuvenils. Natiralmain \u00e8si savens er uschia che chaussas bler pli simplas dattan la decisiun per eleger la SAP dal Grischun sco lieu da studi, sco per exempel la purschida da studi amplifitgada ed extendida, la cultura famigliara che sa mussa en spezial a maun da las portas avertas e da las vias curtas, la plurilinguitad vivida sco era la pussaivladad d’acquistar in diplom biling. Forsa \u00e8si er il Grischun sco chantun da muntogna cun sias scolas da pliras classas en las differentas valladas che pledentan las persunas d’instrucziun futuras e che las avran ina perspectiva professiunala.<\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t

Sfidas per ils proxims onns \u2013 la furmaziun da las scolastas e dals scolasts dal futur<\/h3>\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

Il svilup da la SAP dal Grischun \u00e8 fitg legraivel. Per las sfidas che stattan en connex cun la creschientscha dal dumber da las studentas e dals students, sco per exempel il persunal necessari per l’instrucziun, la perscrutaziun, ils servetschs e l’administraziun, l’infrastructura necessaria u la finanziaziun supplementara inevitabla \u00e8n vegnidas chattadas en il fratemp bunas soluziuns, per part era limitadas temporalmain.
Quant enavant che las adattaziuns planisadas da la proxima revisiun parziala da la Lescha davart las scolas autas e la perscrutaziun (LSAP) influenzeschan las fatschentas da la SAP dal Grischun e sche las adattaziuns en mira davart la repartiziun da las cumpetenzas vegnan a cuntanscher l’effect giavisch\u00e0 areguard in augment da l’autonomia, vegn dentant a sa mussar. Spezialmain il portfolio dals studis che vegn pursch\u00ec actualmain en il sectur da la furmaziun da las scolastas e dals scolasts na permetta per entant betg in ulteriur augment raschunaivel. Era sche la SAP dal Grischun sviluppass, purschess ed etabliss purschidas da studi supplementaras en il futur, stuessan ils meds finanzials necessaris per quest intent vegnir approvads da la regenza e dal cussegl grond. Cun las midadas planisadas avess il cussegl da la scola auta bain cumpetenzas pli vastas, per la realisaziun correspundenta na survegniss el dentant nagins instruments.\u00a0<\/span>Ina infrastructura adequata gioga pli e pli ina rolla impurtanta per las scolas autas. En quest senn \u00e8si\u00a0 raschunaivel da far conscienziusamain las analisas che ston vegnir fatgas en connex cun la proxima sanaziun da l’infrastructura actuala ed er d\u2019avair a medem temp il curaschi da metter en dumonda chaussas existentas sco era da considerar ed examinar novas opziuns.
<\/span>Or da vista interna vai ils proxims onns persuenter da sviluppar consequentamain la terziarisaziun interna e da focussar \u2013 ultra da las structuras da rama (p.ex. metodas e furmas socialas) \u2013 pli e pli las structuras profundas (process d’instruir e d’emprender). En lur publicaziun \u00abGrundlagen f\u00fcr einen wirksamen Unterricht\u00bb han Trautwein, Sliwka und Dehmel rend\u00ec attent l’onn 2018 che las dimensiuns da basa da las structuras profundas (activaziun cognitiva, sustegn constructiv e manar ina classa) influenzeschian decisivamain la qualitad e l’efficacitad da l’instrucziun. En quest connex vai era vinavant per las suandantas e sumegliantas dumondas:<\/p>