En il focus
Strategia 2025–2028
L’onn da rapport 2024 è stà impurtant per la SAP dal Grischun. D’accentuar è la terminaziun da la perioda strategica 2021-2024. A medem temp ha il cussegl da la scola auta deliberà la strategia per ils proxims quatter onns ch'è vegnida sviluppada da la direcziun da la scola auta ed ha uschia preparà il terren per l’avegnir.
La Scola auta da pedagogia dal Grischun stat amez in ambient da furmaziun dinamic e cumplex ch’è caracterisà d’in augment constant da pretensiuns a las scolas ed a las persunas d’instrucziun e da la mancanza da persunas d’instrucziun en l’entira Svizra. La SAP dal Grischun gioga ina rolla centrala en quest champ da tensiun.
La strategia da la SAP dal Grischun s’orientescha concepziunalmain a la visiun 2036 e las periodas da strategia da 4 onns èn in model ciclic per realisar la visiun 2036. Per la SAP dal Grischun n’è questa visiun betg be in model directiv, mabain era in cler mussament da nossa responsabladad sociala. La visiun 2036 pretenda engaschament, innovaziun e la prontezza dad ir novas vias en la furmaziun e la furmaziun cuntinuada da persunas d’instrucziun. En quest senn chapin nus la visiun sco cumpass liant ch’ans maina en l’avegnir e ch’accentuescha nossa incumbensa centrala: da garantir la meglra furmaziun pussaivla per las generaziuns vegnintas.
L’orientaziun strategica sa basa sin in’analisa conscienziusa dals facturs da l’ambient e da l’interpresa. Ella resguarda il svilup naziunal en la politica da furmaziun, las particularitads regiunalas e las sfidas specificas dal Grischun pluriling. La finamira è da garantir er en la proxima perioda strategica ina purschida da furmaziun differenziada che s’orientescha a la persistenza ed a la qualitad e che satisfa als basegns da las scolas e da la societad. Cun sia purschida e cun ses svilups strategics vul la SAP dal Grischun contribuir a garantir in dumber suffizient da persunas d’instrucziun cun ina buna scolaziun en il chantun Grischun ed en ils chantuns vischins fin l’onn 2036. En la perioda da strategia 2025-28 vegn perquai l’attenziun drizzada spezialmain sin la furmaziun e la furmaziun cuntinuada da persunas d’instrucziun ch’ageschan professiunalmain.
Maletg da mira 2025–2028
L’agir a la SAP dal Grischun s’orientescha durant ils proxims quatter onns vi dals suandants tschintg champs d’acziun centrals.
Champ d'acziun
Promover la nova generaziun sin tut ils nivels
La SAP dal Grischun
scolescha persunas d’instrucziun ch’ageschan a moda professiunala.
generescha datas davart l’efficacitad da la furmaziun da persunas d’instrucziun a la SAP dal Grischun.
promova la generaziun giuvna per rinforzar e sustegnair il corp intermediar.
gudogna persunal spezialisà fitg qualifitgà e perfecziunescha quel cuntinuadamain tenor sias preferenzas e sias abilitads.
Champ d'acziun
Nizzegiar la plurilinguitad sco schanza
La SAP dal Grischun
fa avunda purschidas per promover las trais linguas chantunalas, la quarta lingua naziunala franzos sco era l’englais en sia furmaziun e furmaziun supplementara, per sviluppar vinavant las cumpetenzas da lingua da persunas d’instrucziun ch’ageschan a moda professiunala.
gudogna enconuschientschas davart l’acquisiziun da la lingua da las scolaras e dals scolars, sco era davart l’efficacitad da l’instrucziun da lingua cun ses meds didactics, tira ordlonder consequenzas per las didacticas da las linguas e per il svilup dals meds didactics ed implementescha quellas en furmaziuns e furmaziuns supplementaras.
promova il svilup da las cumpetenzas linguisticas receptivas e productivas da las collavuraturas e dals collavuraturs.
ademplescha ses mandat da prestaziun quadrupel en las trais linguas chantunalas a Cuira.
Champ d'acziun
Engaschi per la midada digitala en las scolas ed en la societad
La SAP dal Grischun
prepara las persunas d’instrucziun futuras d’agir a moda professiunala en la cultura digitala, cun s’occupar a moda critica cun novas tecnologias che servan a la soluziun da problems, per savair las applitgar intenziunadamain sco era per pudair chapir, nizzegiar ed intermediar concepts da basa. Per quest motiv fa ella differentas purschidas che vegnan realisadas (nua ch’i fa senn) en collavuraziun cun ils partenaris economics regiunals.
gudogna enconuschientschas areguard il svilup da las scolaras e dals scolars en il diever da novas tecnologias, sco era l’efficacitad da las purschidas curricularas ed extracurricularas, tira consequenzas per las didacticas dal rom en ils roms da MINT sco er en ils auters roms dal plan d’instrucziun e transferescha quellas en la furmaziun ed en la furmaziun cuntinuada.
sa sviluppa permanentamain sco instituziun, implementescha novas tecnologias en ils quatter champs da prestaziun e procura che persunas da la direcziun e persunas dal fatg hajan las cumpetenzas correspundentas.
Champ d'acziun
Sviluppar la SAP dal futur
La SAP dal Grischun
sa posiziunescha sco scola auta attractiva en il champ da la scolaziun da persunas d’instrucziun en spezial per las scolas popularas e las scolas da maturitad resguardond ils basegns dal chantun triling sco era dals chantuns vischins e cun cooperar cun scolas autas en Svizra ed a l’ester.
communitgescha cun effect giavischà sur chanals elegids envers gruppas en mira specificas cun contribuir ina part al discurs spezial sco er als discurs da la societad (communicaziun scientifica).
nizzegia las novas enconuschientschas e tecnologias, open science sco er in’infrastructura moderna per in svilup ed ina realisaziun d’auta qualitad dals process da sustegn, dals process centrals e directivs (organisaziun da l’andament), controllescha per consequenza la structura da l’organisaziun ed adattescha quella en cas da basegn.
è (re)accreditada instituziunalmain e ses programs da furmaziun (studis da bachelor e master) èn renconuschids da la Conferenza svizra da las directuras e dals directurs chantunals da l’educaziun publica (CDEP).
dovra las resursas finanzialas che stattan a disposiziun per ademplir il maletg da mira da la strategia 2025-28 e resguarda en quest connex ils aspects da la rentabilitad e da l’efficienza economica.
Champ d'acziun
Engaschi per ina societad persistenta
La SAP dal Grischun
metta in focus sin il svilup durabel en sias purschidas da la furmaziun e da la furmaziun cuntinuada, dals servetschs sco er en sias activitads da perscrutaziun e svilup.
agescha resguardond ils aspects socials, economics ed ecologics e cun in diever responsabel da resursas per in svilup persistent da la scola auta.
promova la diversitad, l’inclusiun e l’egualitad da las schanzas resguardond en il medem mument sia incumbensa a favur d’ina societad multifara e democratica.
garantescha che minimum ina represchentanza dal gremi da decisiun (cussegl da la scola auta e direcziun da la scola auta) dispona da savida en ils temas giustia da las schanzas, diversitad, inclusiun e diever responsabel da resursas sco basa optimala per prender decisiuns.
anticipescha, observescha e giuditgescha situaziuns da crisa eventualas e sviluppa ensemen cun partenaris socials da scola consequenzas correspundentas per in’adattaziun da sias purschidas en la furmaziun e la furmaziun cuntinuada, dals servetschs sco era da sias activitads da perscrutaziun e da svilup.
Process per sviluppar la strategia
Sco preparaziun per elavurar la strategia 2025-28 da la SAP dal Grischun è vegnì concepì in process per sviluppar la strategia ch’è s’extendì sur ils onns 2023/24 e che cuntegna ils singuls puncts dal svilup da la strategia. En il process per sviluppar la strategia han ins resguardà en spezial la determinaziun da la Governance (tgi decida tge en tge mument), la determinaziun da la participaziun (tgi elavura tge products en tge mument; tge gremis prendan posiziun en tge mument; tge gremis survegnan il dretg da cogestiun en tge mument) sco era la determinaziun temporala da las lavurs per sviluppar il mandat da prestaziun 2025-28 ensemen cun il chantun Grischun.
Il process da svilup, ch’è vegnì elavurà per la proxima perioda da strategia, è vegnì preschentà a la direcziun da la scola auta ed al cussegl da la scola per auta per approvaziun (decisiun).
Sco emprim pass per sviluppar la strategia èn vegnids elavurads champs d’acziun per la perioda da strategia (formulaziun). Per pussibilitar en quest mument ina emprima participaziun per sviluppar la strategia, è vegnida fatga ina retschertga cun las commembras ed ils commembers da la scola auta davart champs d’acziun pussaivels da la proxima perioda da strategia sco era davart propostas da formulaziun per ina nova visiun da la scola auta (participaziun). A medem temp ha ina gruppa centrala, che sa cumpona da represchentantas e represchentants dals prorectorats e da l’administraziun, elavurà ina basa per ils champs d’acziun che correspundan mintgamai al tema (participaziun). Questa basa ed ils resultats da la retschertga èn vegnids integrads da la direcziun da la scola auta per sviluppar ils maletgs da mira en ils singuls champs d’acziun da la strategia sco era per formular la visiun 2036 per la SAP dal Grischun (formulaziun).
Suenter èn ils champs d’acziun cun las finamiras da la perioda da strategia 2025-28 sco era la visiun 2036 da la SAP dal Grischun vegnids tematisads en la clausura dal cussegl da scola auta ed èn vegnids dads libers per ils proxims pass da lavur (decisiun). Parallelamain han ins realisà cun las singulas gruppas da la scola auta – per integrar las commembras ed ils commembers da la scola auta – ina Conversaziun davart las finamiras strategicas dals champs d’acziun e davart la visiun 2036 (participaziun). Cun resguardar las reacziuns da la clausura dal cussegl da la scola auta e da la Conversaziun da las collavuraturas e dals collavuraturs, ha la direcziun da la scola auta scrit e dà liber la strategia 2025-28 cun ils maletgs da mira (formulaziun e decisiun) ch’il cussegl da la scola auta ha alura approvà (decisiun). Sco ulteriura instanza da participaziun han ins dumandà a medem temp ina posiziun da la cumissiun participativa per la strategia formulada (participaziun). Suenter l’autorisaziun dal cussegl da la scola auta e cun resguardar la posiziun da la cumissiun participativa è la strategia vegnida tramessa al chantun Grischun. Questa strategia è lura stada la basa per sviluppar il mandat da prestaziun 2025-28 dal chantun.
Suenter ch’il cussegl da la scola auta ha approvà la strategia l’atun 2024, ha la direcziun da la scola auta pudì iniziar ina planisaziun detagliada per realisar la perioda strategica 2025-28 (cun maletgs da mira annuals e roadmaps).
Auturs: prof. dr. Gian-Paolo Curcio, dr. Marthe Solleder
Ulteriurs temas che pudessan interessar Vus
Die Pädagogische Hochschule Graubünden steht inmitten eines dynamischen und komplexen Bildungsumfelds, das durch stetig steigende Anforderungen an Schulen und Lehrpersonen sowie den gesamtschweizerischen Lehrkräftemangel geprägt ist. In diesem Spannungsfeld nimmt die PH Graubünden eine Schlüsselrolle ein.
Die Strategie der PH Graubünden ist konzeptionell auf die Vision 2036 ausgerichtet und die vierjährigen Strategieperioden sind ein rollierendes Modell zur Umsetzung der Vision 2036. Diese stellt für die PH Graubünden nicht nur ein Leitbild dar, sondern ist ein klares Bekenntnis zu unserer gesellschaftlichen Verantwortung. Sie fordert Engagement, Innovation und die Bereitschaft, neue Wege in der Aus- und Weiterbildung von Lehrpersonen zu beschreiten. In diesem Sinne verstehen wir die Vision als verbindlichen Kompass, der uns in die Zukunft führt und unsere zentrale Aufgabe unterstreicht: die bestmögliche Bildung für kommende Generationen sicherzustellen.
Die strategische Ausrichtung basiert auf einer sorgfältigen Analyse der Umwelt- und Unternehmensfaktoren. Dabei berücksichtigt sie die nationale Entwicklung in der Bildungspolitik, regionale Besonderheiten und die spezifischen Herausforderungen des mehrsprachigen Kantons Graubünden. Ziel ist es, auch in der kommenden Strategieperiode ein differenziertes, auf Nachhaltigkeit und Qualität ausgerichtetes Bildungsangebot sicherzustellen, das den Bedürfnissen der Schulen und der Gesellschaft gerecht wird. Die PH Graubünden will mit ihrem Angebot und ihren strategischen Entwicklungen dazu beitragen, dass im Kanton Graubünden sowie in den umliegenden Kantonen bis 2036 hinreichend viele gut ausgebildete Lehrpersonen zur Verfügung stehen. Hierfür wird in der Strategieperiode 2025–28 ein besonderes Augenmerk auf die Aus- und Weiterbildung von professionell agierenden Lehrpersonen gelegt.
Zielbild 2025–2028
Das Handeln an der PH Graubünden orientiert sich in den kommenden vier Jahren an den folgenden fünf zentralen Handlungsfeldern.
Den Nachwuchs auf allen Ebenen fördern
Die PH Graubünden
bildet professionell agierende Lehrpersonen aus und weiter.
generiert Daten bezüglich der Wirksamkeit der Lehrkräftebildung an der PH Graubünden.
fördert den akademischen Nachwuchs zur Stärkung und Unterstützung des Mittelbaus.
gewinnt hochqualifiziertes Fachpersonal und entwickelt dieses seiner Neigung und Eignung folgend kontinuierlich weiter.
Mehrsprachigkeit als Chance nutzen
Die PH Graubünden
bietet ausreichend Angebote zur Förderung der drei Kantonssprachen, der vierten Landessprache Französisch sowie des Englischen in ihrer Aus- und Weiterbildung an, zur Weiterentwicklung der Sprachkompetenzen von professionell agierenden Lehrpersonen.
schafft Erkenntnisgewinn bezüglich des Sprachenerwerbs von Schülerinnen und Schülern, sowie der Wirksamkeit des Sprachunterrichts und von Lehrmitteln, leitet daraus Konsequenzen für die Fachdidaktiken in den Sprachfächern und der Lehrmittelentwicklung ab und setzt diese in Aus- und Weiterbildung um.
fördert die Entwicklung von rezeptiven und produktiven Sprachkompetenzen ihrer Mitarbeitenden.
nimmt ihren vierfachen Leistungsauftrag in den drei Kantonssprachen am Standort Chur wahr.
Engagement für den digitalen Wandel an Schulen und in der Gesellschaft
Die PH Graubünden
bereitet zukünftige Lehrpersonen darauf vor, in der Kultur der Digitalität professionell zu agieren, indem sie sich mit neuen Technologien zur Problemlösung kritisch auseinandersetzen, um diese zielführend anwenden sowie zugrundeliegende Konzepte verstehen, erschliessen und vermitteln zu können. Dazu bietet sie verschiedene Angebote an, wobei diese (wo sinnvoll) in Zusammenarbeit mit den regionalen Wirtschaftspartnern stattfinden.
schafft Erkenntnisgewinn bezüglich der Entwicklung von Schülerinnen und Schülern im Umgang mit neuen Technologien sowie der Wirksamkeit der curricularen und aussercurricularen Angebote, leitet daraus Konsequenzen für die Fachdidaktiken in den MINT-Fächern sowie den anderen Fächern des Lehrplans ab und setzt diese in Aus- und Weiterbildung um.
entwickelt sich als Institution permanent weiter, implementiert neue Technologien in den vier Leistungsbereichen und sorgt dafür, dass interne Leitungs- und Fachpersonen über entsprechende Kompetenzen verfügen.
Die PH der Zukunft entwickeln
Die PH Graubünden
positioniert sich als attraktive Hochschule im Bereich Lehrkräfteausbildung insbesondere für die Volks- und Maturitätsschulen, wobei sie die Bedürfnisse des dreisprachigen Kantons sowie der umliegenden Kantone berücksichtigt und mit Hochschulen im In- und Ausland kooperiert.
kommuniziert gegenüber ausgewählten Anspruchsgruppen über ausgewählte Kanäle und erzielt damit beabsichtigte Wirkung, wobei insbesondere ein Beitrag zum Fachdiskurs sowie zum gesellschaftlichen Diskurs geleistet wird (Wissenschaftskommunikation).
nutzt neue Erkenntnisse und Technologien, Open Science sowie eine moderne Infrastruktur für eine qualitativ hochwertige Weiterentwicklung und Ausführung der Unterstützungs-, Kern- und Führungsprozesse (Ablauforganisation), überprüft infolgedessen ihre Aufbauorganisation und passt diese bei Bedarf an.
ist institutionell (re-)akkreditiert und ihre Ausbildungsprogramme (Bachelor- und Masterstudiengänge) sind von der EDK anerkannt.
setzt die zur Verfügung stehenden finanziellen Ressourcen zur Erfüllung des Zielbildes der Strategie 2025–28 ein und berücksichtigt dabei die Aspekte der Wirtschaftlichkeit und Sparsamkeit.
Engagement für eine nachhaltige Gesellschaft
Die PH Graubünden
setzt einen Fokus auf nachhaltige Entwicklung in ihren Angeboten der Aus- und Weiterbildung, der Dienstleistungen sowie in ihren Forschungs- und Entwicklungstätigkeiten.
handelt unter Berücksichtigung von sozialen, ökonomischen und ökologischen Aspekten und mit einem verantwortungsvollen Umgang mit bestehenden Ressourcen für eine wirkungsvolle nachhaltige Entwicklung der Hochschule.
fördert Diversität, Inklusion und Chancengleichheit unter gleichzeitiger Berücksichtigung ihres Auftrags, zu Gunsten einer vielfältigen und demokratischen Gesellschaft.
stellt sicher, dass mindestens eine Vertretung der Entscheidungsgremien (Hochschulrat und Hochschulleitung) über ausreichendes Wissen in den Themenbereichen Chancengerechtigkeit, Diversität, Inklusion und verantwortungsvoller Umgang mit Ressourcen verfügt, als optimale Grundlagen für die Entscheidungsfindung.
antizipiert, beobachtet und beurteilt allfällige Krisensituationen und entwickelt zusammen mit Schulsozialpartnern entsprechende Massnahmen für eine Anpassung in ihren Angeboten der Aus- und Weiterbildung, der Dienstleistungen sowie in ihren Forschungs- und Entwicklungstätigkeiten.
