Il quint annual 2022 serra cun in surpli dad expensas da 866’742.87 francs tar custs da totalmain 24.7 milliuns francs. Tut en tut pon vegnir cumprovads retgavs en la dimensiun da 23.8 milliuns francs, quai che correspunda ad in augment da preventiv da 0.9 milliuns francs. L’augment dals retgavs po vegnir attribuì principalmain a dus facturs, numnadamain primo a l’augment dal retgav global (0.35 milliuns francs) sin basa da las contribuziuns da la cassa da pensiun pli autas che stattan en connex cun la revisiun parziala da la lescha davart la cassa da pensiun ch’è entrada en vigur per il 1. da schaner 2022, secundo a l’augment dals retgavs da las contribuziuns da l’AVS.

Visavi al retgav cuntanschì stattan custs en la dimensiun da 24.7 milliuns francs. Ils custs èn var 1.1 milliuns francs pli auts en cumparegliaziun cun il budget. Ils custs per il persunal ch’èn s’augmentads envers il budget sa resultan d’ina vart d’ina restituziun supplementara per ils dabuns da vacanzas che stattan en connex cun la messa en vigur da la revisiun parziala da la lescha chantunala dal persunal e da l’autra vart da l’augment dal dumber da studentas e students en tut ils studis per var 14% sco er en l’emprim onn da studi dals studis da bachelor per 16%. Sin basa dal basegn da persunal supplementar po l’augment menziunà da la contribuziun globala cumpensar mo per part ils custs pli auts per contribuziuns da spargn. In effect distgargiant sin il resultat han ils custs d’administraziun e da gestiun ch’èn en total pli bass (–0.3 milliuns francs).

Il dabun en il fond naziunal da sustegn importa il di da controllas da bilantscha 0.57 milliuns francs. Quai correspunda ad ina reducziun da 0.13 milliuns francs en cumparegliaziun cun l’onn precedent e po vegnir attribuì principalmain a la valitaziun da las vaglias per ils 31 da december 2022. Las reservas generalas sa reduceschan per ils 31 da december 2022 ad ussa 1.8 milliuns francs.